Një formulë e re pioniere që mbron kafshët kundër koronavirusit është regjistruar në Rusi disa ditë pasi një nga shkencëtarët më të mirë të vendit paralajmëroi se patogjeni vdekjeprurës së shpejti mund të fillojë të përhapet nëpër kafshët shtëpiake dhe ferma.
Rosselkhoznadzor, agjencia shtetërore përgjegjëse për mjekësinë veterinare, njoftoi se formula, e zhvilluar nga studiuesit e saj, ishte regjistruar zyrtarisht për përdorim. Me emrin Carnivac-Cov, zyrtarët pretendojnë se është ‘e para dhe deri më sot, i vetmi produkt Covid-19 në botë për kafshët’.
Provat klinike të vaksinës filluan në tetor të vitit të kaluar, duke testuar potencialin e saj në kafshët mishngrënëse duke përfshirë qentë, macet, dhelprat arktike, vizonët dhe kafshë të tjera.
Sipas shkencëtarëve, ‘rezultatet e këtyre studimeve na lejojnë të arrijmë në përfundimin se vaksina është e sigurt dhe shumë imunogjene, pasi që të gjitha kafshët e vaksinuara që u testuan zhvilluan antitrupa ndaj koronavirusit’.
Ekipi që qëndron pas vaksinës thotë se prodhimi masiv i saj mund të fillojë që në prill.
Në një deklaratë, Rosselkhoznadzor tha se ;vaksina është veçanërisht e rëndësishme sepse, siç vëren Organizata Botërore e Shëndetit për Shëndetin e Kafshëve, disa specie janë të ndjeshme ndaj Covid-19. Rastet e kafshëve janë regjistruar në shumë vende të botës’.
