Një rishikim i menjëhershëm i politikave mbrojtëse në shkolla do nisë në Britani pas postimit në internet të mijëra raporteve të abuzimit seksual.
Në një deklaratë, Departamenti për Arsimin tha se i kishte kërkuar mbikëqyrësit të arsimit në Mbretërinë e Bashkuar, Ofsted, të shikonte ‘shtrirjen dhe thellësinë e çështjes’ dhe të siguronte praktikat e duhura për të mbështetur viktimat e mundshme.
Rishikimi do të kryhet në fund të majit dhe do të përfshijë policinë, si dhe përfaqësues nga shërbimet sociale, grupet mbështetëse të viktimave dhe shkollat.
Një linjë e re ndihme, e drejtuar nga NSPCC, do të nisë gjithashtu drejtpërdrejt nga java që vjen për të mbështetur të rinjtë dhe për t’i ndihmuar ata të raportojnë abuzimin seksual në shkollë në polici, tha departamenti.
Shkalla e problemit me të cilën përballen shkollat britanike është zbuluar javët e fundit, pasi më shumë se 11,500 dëshmi për përdhunim, dhunë seksuale dhe abuzim u postuan në faqen e internetit ‘Të gjithë janë të ftuar’ (Everyone’s Invited).
