Jo vetëm Dua Lipa, një tjetër shqiptar nga Kosova i nominuar në “Brit Awards”

Përveç Dua Lipës, një tjetër artist shqiptar me origjinë nga Kosova është i nominuar në “Brit Aëards 2021”.

Fjala është për Dardan Aliun, apo të njohur ndryshe me emrin e artit “DJ Regard”.

Aliu ka bërë emër nëpër botë me hitin e tij “Ride it”, një remix ky i këngës së Jay Sean të vitit 2008. Kjo këngë u shndërrua në një sensacion viral në “TikTok”, duke arritur kështu sukses ndërkombëtar.

E tanimë ai duket se po vazhdon rrugën drejt suksesit, pasi kënga e tij “Secrets” e realizuar në bashkëpunim me RAYE, është nominuar në kategorinë “British Single”.

“Nuk mund ta besoj që ‘Secrets’ është nominuar për ‘British Single’ në këtë edicion të Brits. Vetëm dua të them faleminderit të gjithëve kaq shumë për mbështetjen, kjo nuk do të ishte e mundur pa të gjithë ju dhe jam përgjithmonë mirënjohës për të gjithë fansat në të gjithë botën. Dashuri për Raye për vokalet mahnitëse.”– shkroi Regard pesë ditë më parë, pasi mori vesh lajmin për nominimin në rrjetet sociale.