Policia përdori plumba gome kundër protestuesve që hodhën shishe dhe kokteje Molotov në qytetin verilindor të Zvicrës, St Gallen gjatë fundjavës. Më shumë se 30 njerëz u ndaluan përkohësisht të hynin në qytet.
Trazirat shpërthyen pasi rreth 1000 të rinj u mblodhën në sheshin Roter Platz në qendër të qytetit. Turma e trazuar sulmoi policinë duke hedhur shishe, fishekzjarre dhe gurë. Oficerët u përgjigjën me gaz lotsjellës dhe plumba gome.
Policia tha se protestuesit thyen një stacion autobusi, u vunë flakën makinave dhe hodhën koktej Molotov drejt oficerëve. Shefi i Policisë së Shën Gallenit, Ralph Hurni u tha gazetarëve se dy persona u plagosën dhe 21 u arrestuan. Ai shtoi se 33 persona që erdhën nga qytete të tjera u ndaluan përkohësisht të ktheheshin në St Gallen.
Zyrtarët dhe media lidhën trazirat e së shtunës dhe një shqetësim të ngjashëm publik javën e kaluar me zhgënjimin në rritje me kufizimet e Covid-19.
