Në takimin mes krerëve të BE-së dhe presidentit të Turqisë, Rexhep Taip Erdogan, ka ndodhur një episod i cili ka sjellë shumë kritika në rrjet.
Kjo sepse Erdogan dhe presidenti i Këshillit Evropian Charles Michel, gjetën vend në karrige duke e lënë presidenten e Komisionit Europian Ursula Von Der Leyen në këmbë.
E vetmja grua në takim dhe atë e lanë në këmbë.
Momenti i turpshëm që ndodhi dje, gjatë vizitës së liderëve evropianë në Ankara, sipas Washington Post shkaktoi trazira diplomatike.
Një video e publikuar në rrjet tregon Michelle dhe Erdogan të dy të ulur në dy karrige, ndërsa von der Laen qëndron në këmbë dhe e zënë ngushtë duke i parë ata dhe duke mos ditur se ku të ulet.
Më pas gjendet një zgjidhje dhe ajo ulet në një divan, rreth 12 metra larg, dhe përpara ministrit të Jashtëm turk Mevlut Cavusalalu, i cili sipas protokollit diplomatik – është më i ulët në hierarki.
Deputetja holandeze Sophie In’t Weld vuri në dukje se në takimet e mëparshme të presidentit turk me udhëheqësit evropianë, kur ishin burra, janë ulur të tre në karrige pranë njëra-tjetrës.
“Nuk ishte e rastësishme, por e qëllimshme.”- shkroi ajo në Twitter, ndërsa në një mesazh tjetër ajo kritikoi Michelle që nuk u ngrit për t’i liruar asaj vendin.
Disa madje kanë komentuar me ironi se kjo është një marrëveshje “e re” BE-Ankara për të drejtat e grave në Turqi. Sidoqoftë, mbështetësit e Erdoganit thanë se incidenti nuk tregon përkeqësim të statusit dhe të drejtave të grave.
