Kryeministri Rama ka shënjestruar presidentin Meta dhe ish-kryeministrin Berisha në një postim tijin në Twitter.
Kreu i qeverisë shkruan se plani i tij dhe Berishës e bllokimin e vaksinimit dhe rikthimin e rrumpallës në prag të zgjedhjeve ka dështuar.
Po kështu, Rama shkruan se dokrrat me auditime, Meta mund t’i vijojë në skutat e OFL-së me Leshkon e Leskon.
“Ilir kam një lajm të keq për ty: Vaksinat vijnë sot dhe fluturimet rifillojnë normalisht nesër! Plani yt me Saliun për bllokimin e vaksinimit e rikthimin e Rrunpallës në prag të zgjedhjeve dështoi! Dokrrat me reflektime e auditime, vazhdoji me Leshkon dhe Leskon në skutat e OFL.” – shkruan Rama.
Reagimi i kreut të qeverisë vjen pasi presidenti Meta urdhëroi KLSH-në që të nisë një audutim të plotë ndaj kompanisë Albcontrol pas situatës së krijuar në aeroportin e Rinasit ditën e djeshme.
Ditën e djeshme kryeministri Rama akuzoi Metën e Berishën si organizatorët e bllokimit të aeroportit të Rinasit.
