Ndahet nga jeta në mënyrë të parakohshme, pasi nuk arriti dot ta fitonte dot betejën me koronavirusin, gazetarja nga Shkodra Anila Dushi.
Lajmin për vdekjen e saj e dhanë mëngjesin e sotëm miq, kolegë e të afërm të gazetares përmes rrjeteve sociale.
Vetë gazetarja e cila ishte në moshën 54-vjeçare, kishte treguar pak ditë më parë se sip o e përjetonte infektimin me Covid-19.
Ajo shprehej se sëmundja e shkaktuar nga koronavirusi “qenka tmerr”.
Anila Dushi kishte shumë vite që punonte gazetare në shtypin e shkruar dhe në televizione lokale e kombëtare, duke bërë shumë miq e të njohur, të cilët kanë reaguar pas vdekjes së saj.
Kryebashkiakja e Shkodrës Voltana Ademi shkruan: “E vështirë me e nis ditën me një lajm të trishtueshëm! Anila Dushi, shoqe, mike, mësuese e gazetare, nuk asht ma mes nesh. Humbje për gazetarinë, publicistikën, miqtë e të njohurit e shumtë e mbi të gjitha për të afërmit.
Pushofsh në në paqe Anilë, do të të kujtojmë gjithmonë! Lamtumirë!”
Ndërkohë reagime ka patur edhe nga deputetja socialiste Senida Mesi, e cila shkruan: ”Ky virus i rrezikshëm i mori jetën sot një gruaje të fortë dhe gazetares të shkëlqyer, shkodranes Anila Dushi. Edhe në momentet e fundit të jetës arrite të shkruash e të ndash me ne dhimbjen dhe luftën që po bëje me Covid…
Është shumë trishtim dhe mërzi kur humbet miq e të njohur, më të cilët ke bërë një rrugëtim jete, sado i vogël të ketë qenë ai.”
