Gazetari Giorgos Karaivaz, i cili u ekzekutua me armë jashtë shtëpisë së tij në Athinën jugore të premten, kishte 10 plumba në trup, sipas rezultateve të një autopsie të paraqitur të shtunën nga zv.ministri Lefteris Economou.
Duke folur për median shtetërore ERT, ai sugjeroi një lidhje midis vrasjes dhe krimit të organizuar. Ka pasur një seri vrasjesh të dyshuara me kontratë në tre vitet e fundit, tha ai, duke sugjeruar për një ‘luftë të hapur’ midis bandave rivale.
Sidoqoftë, ai theksoi se ishte ende herët për të bërë supozime në lidhje me motivet e sakta të ekzekutimit të gazetarit të premten. Autopsia tregoi se viktima mori gjashtë plumba në gjoks, dy në kokë dhe një në qafë dhe pëllëmbën e majtë. Karaivaz u qëllua nga dy burra mbi një motor, të cilët besohet se kanë qenë vrasës profesionistë.
