Qeveria kineze mund të jetë duke mbështetur Bitcoin-in si një mjet për të minuar politikën e jashtme dhe monetare të Shteteve të Bashkuara. Të paktën kështu beson bashkëthemeluesi i “PayPal” dhe kapitalisti i ndërmarrjeve, Peter Thiel.
Ai shtoi se Pekini është përpjekur të përdorë euron në të njëjtën mënyrë.
Duke folur në një takim virtual të organizuar nga Fondacioni Richard Nixon, miliarderi amerikan i cili është një investitor i madh në ndërmarrjet e monedhave virtuale, si dhe në vetë kriptovalutat, tha se SHBA-të duhet të konsiderojnë të vendosin një rregullore më të rrepta për kriptot.
“Even though I’m a pro-crypto, pro-Bitcoin maximalist person, I do wonder whether if at this point Bitcoin should also be thought of in part as a Chinese financial weapon against the U.S.” says @Paypal co-founder Peter Thiel.
More on cryptocurrencies from The #NixonSeminar: pic.twitter.com/sIUQTQEWgr
— Richard Nixon Foundation (@nixonfoundation) April 7, 2021
Ndërsa komentonte nëse monedha dixhitale e lëshuar nga banka qendrore e Kinës mund të kërcënojë statusin e dollarit amerikan si një valutë rezervë globale, biznesmeni sugjeroi që kjo ishte e mundur.
“Nga këndvështrimi i Kinës, atyre nuk u pëlqen që SHBA-të të kenë këtë valutë rezervë, sepse ajo jep shumë leva mbi zinxhirët e furnizimit me naftë dhe të gjitha llojet e gjërave të tilla.”- tha ai, citon RT.
Thiel shtoi: “Edhe pse unë jam një person maksimalist pro-kriptovalutave, pro-bitcoin, unë pyes veten nëse, në këtë pikë, bitcoin duhet gjithashtu të mendohet pjesërisht si një armë financiare kineze kundër SHBA-ve, ku kërcënon paratë e letrës, por veçanërisht kërcënon dollarin amerikan. ”
Thiel tha gjithashtu se Kina u përpoq të denominonte tregtinë e naftës në euro në vitet e fundit, në një përpjekje për të minuar pozitën globale të dollarit.
“Unë mendoj se euro, ju mund ta mendoni si pjesë të një arme kineze kundër dollarit – dekadat e fundit nuk funksionoi në të vërtetë në atë mënyrë, por Kina do të donte të shihte dy monedha rezervë, si euro.”
Sipërmarrësi miliarder spekuloi se Pekini “dëshiron të bëjë gjëra për të dobësuar dollarin” dhe se “SHBA duhet të ngrejë disa pyetje më të ashpra mbi atë se si saktësisht funksionon kjo.”
