Diplomatët iranianë akuzuan Izraelin për sulmin ndaj objektit për pasurimin e uraniumit në Natanz, duke thënë se kishte për qëllim të prishë bisedimet mbi heqjen e sanksioneve.
Impianti bërthamor iranian iranian përjetoi një ndërprerje të energjisë të dielën. Një zëdhënës i Ministrisë së Jashtme iraniane e quajti sabotimin e dyshuar izraelit ‘një akt kundër njerëzimit’, sepse dëmi në impianti mund të kishte shkaktuar një katastrofë.
“Nuk kishte ndotje ose lëndime, por mund të shkaktohej një katastrofë. Mund të konsiderohet si një krim kundër njerëzimit.” – tha Saeed Khatibzadeh në një konferencë shtypi të hënën.
Ministri i Jashtëm Javad Zarif thuhet se paralajmëroi se Irani nuk duhet të bjerë në ‘grackën e Izraelit’ dhe të kompromentojë pozicionin e tij negociues në Vjenë, ku Teherani dhe Uashingtoni po përpiqen të gjejnë një mënyrë për të shpëtuar marrëveshjen bërthamore të vitit 2015.
Zyrtarët izraelitë kanë thënë qartë se ata nuk do të lejojnë që të bëhet përparim në heqjen e sanksioneve.” – tha ministri, siç citohet nga media iraniane.
Zarif iu referua bisedimeve indirekte midis SHBA-së dhe Iranit se si të dy kombet mund të kthehen në përputhje të plotë me marrëveshjen e epokës Obama të njohur si Plani i Përbashkët Gjithëpërfshirës i Veprimit (JCPOA).
