Zyrtari më i lartë i kontrollit të pandemisë së Kinës ka thënë se vendi i tij zyrtarisht po konsideron përzierjen e vaksinave kundër Covid-19, si një mënyrë për të rritur më tej efikasitetin e tyre.
Të dhënat e disponueshme tregojnë se vaksinat kineze mbeten prapa të tjerave për sa i përket efikasitetit, përfshirë këtu Pfizer dhe Moderna, por kërkojnë kontrolle më pak të rrepta të temperaturës gjatë ruajtjes.
Dhënia e njerëzve doza të vaksinave të ndryshme është një mënyrë për të përmirësuar vaksinat që “nuk kanë norma shumë të larta mbrojtjeje.”– tha të shtunën Gao Fu, drejtori i Qendrave Kineze për Kontrollin dhe Parandalimin e Sëmundjeve, pa specifikuar nëse ai po i referohej tek vaksinat e huaja apo atyre vendase.
“Inokulimi duke përdorur vaksina të linjave të ndryshme teknike po konsiderohet.”– tha Gao në një konferencë në qytetin kinez të Chengdu, citon Reuters.
Gao tha se marrja e hapave për të “optimizuar” procesin e vaksinës duke përfshirë ndryshimin e numrit të dozave dhe gjatësinë e kohës midis dozave. ishte një zgjidhje “e caktuar” për çështjet e efikasitetit.
Dy injeksione të një vaksine të zhvilluar nga Sinovac Biotech të Kinës, kur bëhen në më pak se tre javë në kohë nga njëra-tjetrën, ishte 49.1% efektive bazuar në të dhënat e testimeve të Fazës III në Brazil, nën pragun 50% të vendosur nga Organizata Botërore e Shëndetësisë.
Por të dhënat nga një nëngrup i vogël treguan se shkalla e efikasitetit rritej në 62.3% kur dozat jepeshin në intervale prej tre javësh dhe më gjatë. Shkalla e përgjithshme e efikasitetit për vaksinën ishte pak mbi 50% në testime.
Kina ka zhvilluar katër vaksina shtëpiake të miratuara për përdorim publik dhe një të pestën për përdorim emergjence në shkallë më të vogël. Një zyrtar tha të shtunën se vendi ka të ngjarë të prodhojë 3 miliardë doza deri në fund të vitit.
Asnjë e dhënë e hollësishme mbi efikasitetin nuk janë publikuar për vaksinat e krijuara nga Sinopharm e Kinës. Kompania ka thënë se dy vaksina të zhvilluara nga njësitë e saj janë përkatësisht 79.4% dhe 72.5% efektive.
