Ndahet nga jeta në moshën 52-vjeçare pas një beteje me kancerin aktorja britanike Helen McCrory, e njohur për rolet e saj të grave të hekurta në skenë dhe në ekranin e madh.
Lajmi u konfirmua të premten nga bashkëshorti i saj Damian Lewis.
“Me zemër të thyer ju njoftoj se pas një beteje heroike me kancerin, gruaja e bukur dhe e fuqishme që është Helen McCrory ka vdekur e qetë në shtëpi, e rrethuar nga dashuria e miqve dhe e familjes”- tha ai në një postim në Twitter.
Ai shtoi: “Zot sa e duam dhe e dimë sa me fat jemi që e kemi pasur në jetën tonë. Ajo shkëlqente aq shumë. Shko tani Vogëlushe, në ajër dhe faleminderit. ”
McCrory dhe Lewis janë martuar së bashku në vitin 2007 dhe kanë dy fëmijë. Vetëm muajin e kaluar çifti u shfaq bashkë në një program televiziv për të diskutuar për një projekt të ri bamirësie.
McCrory njihet për rolet e saj si Narcissa Malfoy në filmat e Harry Potter, si matriarkja e një familje kriminale Plly Shelby në “Peaky Blinders” dhe si gruaja e ish-kryeministrit Tony Blair, Cherie.
