Kryeministri Edi Rama ka publikuar një video nga avioni që zbret pas pak në aeroportin e Kukësit, duke shënuar edhe fluturimin e parë në këtë aeroport të ri.
Ai ka hipur dhe vetë në avionin që më parë ka ndaluar në Rinas, për t’ju bashkuar emigrantëve të Londrës.
“Nga Aeroporti ‘Nënë Tereza’ drejt Kukësit në Aeroportin Ndërkombëtar të ‘Zayed Flatrat e Veriut’, me pasagjerët VIP, çunat çamarrokë të fejsbukut nga Londra”- shkruan Rama.
Avioni i “Air Albania” nuk u ul direkt në aeroportin e ri të Kukësit, por në aeroportin Nënë Tereza në Rinas për shkak se Britania e Madhe dhe Kukësi, nuk kanë një linjë direkte së bashku.
