Ish-presidenti amerikan Trump ka thënë se mbajtja e një marrëdhënieje të mirë me liderin rus Putin është në interesat kombëtare të Amerikës.
Ai paralajmëroi se nëse kjo nuk ndodh Moska do afrohet dhe më shumë me Kinën. Duke folur për Fox News, Trump pretendoi se ‘askush nuk ishte më i ashpër ndaj Rusisë’ sesa ai, ndërsa deklaroi gjithashtu se ai dhe Putini kishin një marrëdhënie personale ‘shumë të fortë’.
“Sinqerisht, të merresh vesh me Vladimir Putin është një gjë e mirë dhe unë shkova shumë mirë me të.” -tha Trump.
Në veçanti, presidenti i 45-të vuri në dukje se një marrëdhënie e keqe midis Uashingtonit dhe Moskës mund të ketë efekte anësore, të tilla si nxitja e Rusisë për t’u afruar me Kinën, të cilën ai e quajti ‘gjëja më e keqe’.
“Ne duhet të bëjmë biznes me Rusinë. Ne duhet të merremi vesh me Rusinë në vend që ta detyrojmë atë të shkojë në duart e Kinës.” – tha Trump.
“Gjëja më e keqe që mund të bësh është të bashkosh Kinën dhe Rusinë, dhe ata janë së bashku dhe janë të detyruar të bëhen së bashku.” – shtoi ai.
