Zëvendës kryeministri, Erion Braçe, ka bërë një denoncim se kryetarja e PS-së në fshatin Shen e Premte, është terrorizuar dhe kërcënuar nga eksponentë të PD-së.
Në një deklaratë për mediet, Braçe tha se do të bëjë një kallëzim penal për lëtë çështje. Ai u bëri thirrje qytetarëve që të mos i japin mundësi kriminelëve të kthehen në Parlament.
“Një tufë kriminelësh si Enkeleid Alibeaj dhe Saimir Koreshit kanë terrorizuar të gjithë zonën, kështu që më duhet të jem në zonë. Kanë terrorizuar familjen e një gruaje që është kryetare e fshatit Shën e Premte. Do të shkoj atje, do të bëj kallëzim penal. E kanë kërcënuar se është drejtuese e PS aty. Shqiptarët të votojnë, mos t’i japin mundësi kriminelëve të kthehen në Parlament.”– u shpreh Braçe.
