Sot nis zyrtarisht stërvitja më e madhe ushtarake në Ballkanin Perëndimor e quajtur “Defender Europe 21”.
Lajmi është konfirmuar përmes një postimi në “Twitter” të ambasadores së SHBA-ve, Yuri Kim, e cila tha se në Durrës ka mbërritur anija “USNS Bob Hope”. Ajo shtoi se do të bashkohen më tej edhe dy anije të tjera.
“#defender21 stërvitja më e madhe ushtarake në Ballkanin Perëndimor, fillon zyrtarisht sot. Me kënaqësi të shoh USNS Bob Hope të mbërrijë në Durrës. Bob Hope është një anije furnizimi që mban më shumë se 800 copë pajisje për t’u përdorur në stërvitje. 2 anije të tjera do të bashkohen”- u shpreh ambasadorja.
#Defender21, largest military exercise in W. Balkans, officially starts today. Pleased to see USNS Bob Hope arrive at Durrës. The Bob Hope is a supply ship that is carrying more than 800 pieces of equipment for use in the exercise. 2 other ships will join.
#KrahperKrah pic.twitter.com/jL8u9HidRo
— Ambassador Yuri Kim (@USAmbAlbania) April 26, 2021
Stërvitja ushtarake e NATO-s pritet që të zgjasë disa ditë. Kjo është një stërvitje e përbashkët mbrojtëse shumëkombëshe e drejtuar nga Komanda në Evropë dhe ajo në Afrikë e ushtrisë së SHBA-së. Kjo stërvitje synon të ngrejë gatishmërinë dhe realizojë ndërveprimin midis ushtrisë së SHBA, NATO-s dhe ushtrive partnere, në mënyrë që bashkërisht të jënë të përgatitur për t’iu përgjigjur çdo kërcënimi.
