Shkrimtarja Flutura Açka ka shprehur me trishtim humbjen e Partisë Demokratike në Elbasan dhe në gjtihë vendin.
Açka përmes dy vargjeve thotë se ky 26 Prill ka qenë një ditë e zymtë dhe me marrje mendsh për shqiptarët. MAdje shprehet se kanë prerë biletat për emigrim.
“Pse je n’trishtim Atdhe? Shqiptarët me marrje mendsh u gdhinë, i prenë biletat për nënë udhëbotë, e horrat cigaren ma shuajnë në shpinë.”-shkruan Açka e cila ishte një ndër kandidatet e PD-së në Elbasan.
Qarku i Elbasanit ishte një nga synimet ku Partia Demokratike mund të synonte një përmbysje në zgjedhjet parlamentare. Por duket se kjo gjë nuk ka ndodhur pasi demokratët kanë marrë vetëm 6 mandate dhe socialistët 8. Madje për vetëm pak vota, PS mund të kishte marrë dhe mandatin e 9-të.
Sipas rezultateve paraprake, në rang vendi PD-ja ka mundur të marrë vetëm 59 mandate, kundrejt 73 mandateve që ka marrë PS-ja.
