Policia e Shtetit thotë se ka vënë në pranga një një 33-vjeçar të shpallur në kërkim kombëtar, pasi ishte i dënuar me 7 vite burg, për veprën penale “Shfrytëzimi i prostitucionit”, kryer në bashkëpunim.
“Kapet dhe ndalohet Në vijim të punës për kapjen e personave në kërkim kombëtar dhe vënien e tyre përpara përgjegjësisë ligjore, shërbimet e Seksionit të Kërkimit në DVP Tiranë, pas një pune të mirorganizuar, lokalizuan, kapën dhe ndaluan shtetasin e shpallur në kërkim kombëtar:
Elton Drapi, 33 vjeç, banues në Tiranë.
Kapja dhe ndalimi i tij u bë pasi Gjykata e Apelit Tiranë e ka dënuar me 7 vite burg, për veprën penale ‘Shfrytëzimi i prostitucionit’, kryer në bashkëpunim.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore.”- thuhet në njoftim.
Policia thekson se po vijon puna për kapjen e personave të shpallur në kërkim kombëtar.
