Këtë mëngjes kanë arritur 200 mijë vaksinat kineze në poliklinikën “Jane Sandanski”, në Shkup.
Dërgesën me vaksina e pritën sot rreth orës 07:00 të mëngjesit ministri i Shëndetësisë, Venko Filipçe si dhe ambasdaori i Republikës Popullore të Kinës, Jang Suo.
Vaksinat e firmës kineze “Sinofarm” janë blerë në bisedime të drejtpërdrejta ndërsa me shpërndarjen e këtyre vaksinave në pikat rajonale në gjashtë qytete duhet të fillojë edhe imunizimi masiv.
Deri më tani në Maqedoninë e Veriut, janë vaksinuar 60 mijë qytetarë ndërsa mbi 200 mijë qytetarë janë paraqitur për vaksinim përmes aplikacionit vakcinacija.mk ose përmes mjekut të familjes.
