Ministri famëkeq i Propagandës Naziste, Joseph Goebbels, kishte një sipërfaqe toke dhuruar atij për qëllime private në Bogensee në vitin 1936. Atje, ai kishte ndërtuar një strehë private dhe të izoluar për t’iu përgjigjur tekave të tij.
Një vend pushimi të izoluar, që dikur ishte në zotërim të Ministrit të Rajhut të Propagandës së Gjermanisë Naziste Joseph Goebbels do t’i jepet një jetë të re.
Vendi që ofroi një hapësirë të izoluar për një nga bashkëpunëtorët më të afërt dhe më të devotshëm të Adolf Hitlerit, që raportohet se ishte përfshirë në prova dashurie me dashnore të ndryshme, përfshirë yllin e atëhershëm të filmit Lida Baarova, do të shndërrohet në një komunë artistësh me strehim të veçantë për emigrantët, shkruan Berliner Zeitung.
Sipas materialit të botuar nga projekti ambicioz, rezidenca tashmë e braktisur Bogensee, që përmban mbi 70 dhoma të kompletuara me një kinema private, do të shndërrohet në një kompleks që do t’u ofrojë banorëve një restorant vegan, një supermarket jofitimprurës dhe një qendër shëndetësore homeopatike.
Për më tepër, do të ketë vende për punë artizanalee, një teatër për fëmijë, një sallë sportive dhe punëtori krijuese që duhet të jenë të përshtatshme për artistët e xhamit, artistët e drurit, skulptorët dhe dizajnerët. Ai gjithashtu do të shfaqë hapësirë jetese të caktuar për ‘të pafavorizuarit në shoqërinë tonë’, siç janë emigrantët dhe invalidët.
