Përfundon sot në mesnatë afati i vendosur nga Komiteti i Ekspertëve dy javë më parë për karantimin dyjavor të emigrantëve shqiptarë që hyjnë në Shqipëri nga Greqia e Maqedonia e Veriut.
Vendimi i marrë pak ditë para zgjedhjeve të 25 prillit shkaktoi jo pak polemika e kundërshti nga ana e LSI-së që e quajti një masë të tillë antikushtetuese dhe si të lidhur në mënyrë të drejtpërdrejtë me zgjedhjet duke e ankimuar atë në gjykatë.
Deri tani nuk ka ende ndonjë reagim nga ana e Komitetit të Ekspertëve nëse një masë e tillë do vijojë të mbetet në fuqi apo do hiqet.
Ditën e sotme pritet të ketë një konferencë shtypi nga ana e komitetit mbi masat e reja që kanë të bëjnë me pandeminë.
