Një sherr mes krushqve ka marrë përmasa të rënda duke çuar në pranga njërën palë.
Incidenti ka ndodhur në Tiranë, në zonën që mbulon Komisariati numër 5 i Policisë. Pas një sherri, policia ka ndërhyrë duke arrestuar babë e bir të cilët kishin dhunuar dhëndrin dhe krushkun e tyre.
“Nga specialistët për Hetimin e Krimit në Komisariatin e Policisë Nr.5 u bë arrestimi në flagrancë për veprën penale ‘Dhuna në familje’ i shtetasve B. Ç., 54 vjeç dhe H. Ç., 22 vjeç (bab e bir) pasi kanë ushtruar dhunë fizike ndaj shtetasve K. M., 30 vjeç dhe A. M., 53 vjeç ( dhëndrrin dhe krushkun e tyre).”– thuhet në njoftimin e policisë.
Nuk jepen detaje mbi gjendjen e të dhunuarve, ndërsa nuk dihet as shkaku që ka çuar dy palët në një konflikt aq të fortë saqë të rrihen mes tyre.
