Debati nëse gjithçka rreth nesh, duke përfshirë Tokën dhe pjesën tjetër të universit, është një simulim kompjuterik ka vazhduar që kur filozofi suedez Nick Bostrom doli me këtë hipotezë.
Më vonë u popullarizua me publikimin e filmit antastiko-shkencor “The Matrix”, sipas të cilit njerëzimi është bllokuar brenda një realiteti të simuluar.
CEO-ja i SpaceX dhe Tesla, Elon Musk, pretendon se realiteti nuk është asgjë tjetër veçse një simulim. Një video e vitit 2016 është rishfaqur në internet duke treguar Musk që flet në një konferencë. Ai u pyet nëse njerëzimi po jeton në ekzistencën e një lloji “Matrice”.
Sipërmarrësi tha se mundësitë që gjithçka përreth të jetë e vërtetë është një në miliard.
“Argumenti më i fortë për ne që të jemi në një simulim është si vijon – që 40 vjet më parë kishim lojëra me dy drejtkëndësha dhe një pikë. Kjo ishte ajo që ishin lojërat asokohe. Tani 40 vjet më vonë kemi simulime fotorealiste 3D me miliona njerëz që luajnë njëkohësisht dhe po bëhet më mirë çdo vit dhe së shpejti do të kemi realitet virtual ose realitet të shtuar ”, tha Musk.
Ai shtoi se shpejtësia e tanishme e përparimit teknologjik do të thotë që në të ardhmen lojërat video do të bëhen ‘të padallueshme nga realiteti’. Për më tepër, ai sugjeroi që njerëzit do të krijojnë realitetet e tyre në të ardhmen.
“Ose ne do të krijojmë simulime që nuk dallohen nga realiteti ose civilizimi do të pushojë së ekzistuari. Këto janë dy mundësitë”, tha Musk.
