Të dhënat nga Organizata për Bashkëpunim dhe Zhvillim Ekonomik (OECD) treguan se flukset e investimeve të huaja të drejtpërdrejta në të gjithë botën ranë në 846 miliardë dollarë në vitin 2020, e cila është një rënie prej 38% krahasuar me një vit më herët.
Pandemia e koronavirusit ‘përshpejtoi një rënie të qëndrueshme dhe ndihmoi në zhytjen e flukseve globale të IHD-ve në nivelet e tyre më të ulëta që nga viti 2005″, tha raporti.
Në vitin 2020, flukset globale të IHD-ve përfaqësuan vetëm 1% të PBB-së botërore – niveli i tyre më i ulët që nga viti 1999.
Prurjet në ekonomitë e G20 u ulën me 28%, ndërsa eksportet ranë me 43%.
“Kina i kaloi Shtetet e Bashkuara si destinacioni kryesor i IHD-ve në të gjithë botën për herë të dytë brenda gjashtë vitesh. Këto dy ekonomi mirëpritën flukset e IHD-ve përkatësisht me vlerë 212 miliardë dollarë dhe 177 miliardë dollarë.
