Policia jep detaje për aksidentin e ndodhur pak më herët në aksin Gjirokastër-Tepelenë, pranë kthesës së “Urës së Leklit”.
Kamioni i ngarkuar me materiale ndërtimi është pëplasur me barrierat anësore të rrugës dhe është përmbysur duke marrë flakë.
Shoferi i kamionit, është shpëtuar falë ndërhyrjes së forcave zjarrfikëse të Tepelenës dhe ndodhet në spital jashtë rrezikut për jetën.
“Rreth orës 14:00, njoftohemi se në aksin nacional Gjirokastër- Tepelenë një kamion i ngarkuar me materiale ndërtimi është pëplasur me barrierat anësore të rrugës dhe është përmbysur duke marrë flakë.
Për pasojë është dëmtuar drejtuesi i kamionit shtetasi Xh. K., rreth 60 vjeç, banues në Tiranë, i cili ndodhet në spitalin Rajonal Gjirokastër jashtë rrezikur për jetën.
Në vendngjarje shkuan shkuan shërbimet e policisë dhe zjarrëfikëse, të cilët bënë të mundur shuarjen e flakëve.”– thuhet në njoftimin e Policisë.
Grupi hetimor po punon për zbardhjen e shkaqeve të aksidentit. Ky aksident ka shkaktuar bllokimin e rrugës për më shumë se 30 minuta, por tanimë situata është normalizuar.
