Shkencëtarët kinezë janë përgatitur për një Luftë të Tretë Botërore që do luftohej me armë biologjike dhe gjenetike, përfshirë koronavirusin, për gjashtë vitet e fundit, sipas një dokumenti të shtënë në dorë nga hetuesit amerikanë.
Letra bombë, në duart e Departamentit të Shtetit, këmbëngul se armët biologjike do jenë ‘arma thelbësore për fitoren’ në një konflikt të tillë, madje duke përshkruar kushtet e përsosura për të lëshuar një armë biologjike dhe duke dokumentuar ndikimin që do të kishte në ‘sistemin mjekësor të armikut ‘
Kjo dëshmi e fundit që Pekini e konsideroi potencialin ushtarak të koronavirusëve SARS që nga viti 2015 ka ngritur gjithashtu frikë të re mbi shkakun e Covid-19, me disa zyrtarë që ende besojnë se virusi mund të ketë dalë nga një laborator kinez.
Dosja nga shkencëtarët dhe zyrtarët shëndetësorë të Ushtrisë Çlirimtare të Popullit, hollësitë e së cilës u raportuan në ‘The Australian’, ekzaminoi manipulimin e sëmundjeve për të bërë armë ‘në një mënyrë të paparë më parë’.
Zyrtarë të lartë të qeverisë thonë se kjo ‘ngre shqetësime të mëdha’ për qëllimet e atyre që janë pranë Presidentit kinez Xi Jinping mes frikës në rritje për mungesën e rregulloreve të vendit mbi veprimtarinë në laboratorë.
Autorët e dokumentit këmbëngulin që një luftë e tretë botërore ‘do të jetë biologjike’, ndryshe nga dy luftërat e para në të cilat u përdorën përkatësisht armët kimike e ato bërthamore.
Dokumenti përshkruan gjithashtu kushtet ideale për të lëshuar një armë biologjike dhe për të shkaktuar dëme maksimale.
Shkencëtarët thonë se sulme të tilla nuk duhet të kryhen në mes të një dite me mot të mirë, pasi rrezet e diellit mund të dëmtojnë patogjenët, ndërsa shiu ose bora mund të ndikojnë në grimcat e aerosolit.
Në vend të kësaj, ato duhet të çlirohen natën, ose në të gdhirë, në muzg ose nën mot me re, me ‘një drejtim të qëndrueshëm të erës … në mënyrë që aerosoli të shkojë në zonën e synuar’.
Ndërkohë, studimi vë në dukje gjithashtu se një sulm i tillë do të rezultojë në një rritje të pacientëve që kërkojnë trajtim spitalor, i cili më pas ‘mund të shkaktojë shembjen e sistemit mjekësor të armikut’.
Shqetësime të tjera përfshijnë hulumtimin e Kinës ‘Fitimi i Funksionit’ në Institutin e Virologjisë në Wuhan – afër vendit ku u zbulua shpërthimi i parë Covid – në të cilin virologët po krijojnë viruse të reja që thuhet të jenë më të transmetueshme dhe më vdekjeprurëse.
Dokumenti ‘Specie të reja të viruseve të bëra nga njeriu si armë gjenetike’, thotë: ‘Pas zhvillimeve në fusha të tjera shkencore, ka pasur përparime të mëdha në shpërndarjen e agjentëve biologjikë.
Për shembull, aftësia e re e gjetur për të ngrirë mikro-organizmat ka bërë të mundur ruajtjen e agjentëve biologjikë dhe aerosolizimin e tyre gjatë sulmeve.’
Agjencitë e inteligjencës dyshojnë se Covid-19 mund të jetë rezultat i një rrjedhjeje pa dashje nga laboratori i Wuhan. Por ende nuk ka asnjë provë që sugjeron se virusi është lëshuar qëllimisht.
Kina nga ana e saj i ka hedhur poshtë të gjitha akuzat ndaj saj se virusi ka dalë nga laboratori i Wuhan.
VINI RE: Ky material është pronësi intelektuale e Daily Mail
