Është mbyllur përkohësisht llogaria në Twitter e Forcës së Sigurisë së Kosovës.
Lidhur me këtë, ish-ambasadorja e Kosovës në Shtetet e Bashkuara të Amerikës, Vlora Çitaku ka reaguar ashpër duke i kërkuar llogari rrjetit social se pse ata papritmas e mbyllën llogarinë e FSK-së, kjo në të njëjtën ditë kur Departamenti i Mbrojtjes i SHBA-ve publikoi një postim në lidhje me pjesëmarrjen e Forcës së Sigurisë së Kosovës në misionin paqeruajtës në Kuvajt.
“Pse papritmas keni vendosur ta kufizoni llogarinë e FSK-së, në të njëjtën ditë kur Departamenti i Mbrojtjes i SHBA-së shkruajti në lidhje me vendosjen e tyre të përbashkët në një mision paqeruajtës.”- shkruan Çitaku me habi.
Hello @Twitter, you really need to step up your game!
Why is it that all of a sudden you decided to restrict the account of @KSF_Kosova , on the same day that the U.S. @DeptofDefense tweeted about their co-deployment on a peacekeeping mission 🤔 pic.twitter.com/caIGIqgKzb
— Vlora Çitaku 😷 (@vloracitaku) May 8, 2021
Më herët Departamenti Amerikan i Mbrojtjes u shpreh krenar që ka afër vetës Forcën e Sigurisë së Kosovës në misionin e parë ndërkombëtar në Kuvajt.
“Departamenti i Mbrojtjes është krenar të bashkohet me Forcën e Sigurisë së Kosovës në misionin e parë në Kuvajt. Gjatë këtij misioni, partnerët tanë nga Kosova do ta fitojnë përvojën e mekanikës dhe logjistikës duke punuar me njësitë e Ushtrisë Amerikane #BashkëMëTëFortë.”- shkruan Departamenti Amerikan i Shtetit.
Është e paqartë se pse është bllokuar llogaria zyrtare e FSK-së.
