Mbetjet e një rakete kineze që po kthehej në mënyrë të pakontrolluar përsëri drejt Tokës janë përplasur në Oqeanin Indian.
Agjencia hapësinore e Kinës thotë se pjesa më e madhe e raketës u shkatërrua kur hyri përsëri në atmosferë, por media shtetërore raportoi se mbeturinat u ulën në perëndim të Maldiveve të Dielën, citon BBC.
Ka disa ditë spekulime se ku mund të ulet raketa dhe zyrtarët amerikanë dhe ekspertë të tjerë paralajmëruan për rrezikun që paraqiste kthimi i saj. Por Kina këmbëngulte se rreziku ishte i ulët.
Pajisja Long March-5b hyri përsëri në atmosferë në orën 10:24 (sipas orës së Pekinit) të dielën, dhe nuk ka raportime për lëndime ose dëme.
Zyra e Inxhinierisë Hapësinore Kineze tha se mbeturinat nga raketa, ranë në Oqeanin Indian në një pikë 72,47 ° në Lindje dhe 2,65 ° në Veri.
Komanda Hapësinore e SHBA-ve nga ana tjetër, thjesht tha se raketa ishte “rihyrë mbi Gadishullin Arabik”. Por nuk e konfirmoi pikën e uljes të raportuar nga media kineze, duke thënë që ishte “e panjohur nëse mbeturinat kishin ndikuar në tokë ose ujë”.
Shërbimi i monitorimit Space-Track, i cili përdor të dhëna ushtarake amerikane, tha se raketa ishte regjistruar të udhëtonte mbi Arabinë Saudite, para se të binte në Oqeanin Indian pranë Maldiveve.
