Një burrë që po vizitonte një vend turistik në Kinën verilindore i mbijetoi një skenari makthi pasi një urë me fund qelqi u shkatërrua nën këmbët e tij. Turisti shpëtpo pasi arriti të kapej në një nga kangjellat e urës.
Vendkalimi, i vendosur në vendpushimin Piyan Mountain në qytetin Longjing, u shkatërrua pjesërisht nga erërat e forta të premten – duke e lënë turistin e tmerruar të bllokuar 100 metra lart nga toka.
Një fotografi e publikuar nga media kineze tregon burrin të ulur në një tra, teksa mbështjell krahët rreth parmakut të urës. Burri thuhet se ishte bllokuar në urën e dëmtuar rëndë për më shumë se 30 minuta para se punëtorët e urgjencës të ishin në gjendje ta ndihmonin atë të dilte në vend të sigurt.
Pasi i mbijetoi një sprove të rëndë, turisti u dërgua në një spital për trajtim psikologjik. Vendi i pushimit ku ndodhet ura, është mbyllur deri në një njoftim tjetër.
