Instituti i Shëndetit Publik në Norvegji ka rekomanduar kundër përdorimit të vaksinës Johnson & Johnson, duke shtuar një rekomandim për të shmangur përgjithmonë përdorimin e vaksinës AstraZeneca për shkak të frikës nga efektet anësore.
Në një njoftim për shtyp të hënën, Instituti Norvegjez i Shëndetit Publik (NIPH) këshilloi qeverinë të mos përdorte vaksinën Johnson & Johnson kundër Covid-19, pas udhëzimeve nga një komision i caktuar nga qeveria. Komiteti gjithashtu mbështeti një rekomandim të mëparshëm nga IKSHP për të mos përdorur vaksinën e AstraZeneca.
“Ne nuk rekomandojmë që vaksinat të përdoren në programin kombëtar të vaksinimit për shkak të efekteve anësore serioze që janë parë,” tha Lars Vorland, kryetari i komitetit të ekspertëve të hënën.
“Qëllimi ynë është të mbrojmë sa më shumë njerëz që të jetë e mundur, sa më shpejt të jetë e mundur, për të rihapur shoqërinë dhe për t’u rikthyer në jetën e përditshme. Prandaj është një vendim i vështirë për të rekomanduar që një nga vaksinat Covid të mos përdoret në mënyrë aktive në program.” – shtoi ai.
NIPH rekomandon që vaksina Johnson & Johnson të mbahet në ruajtje emergjente në rast se furnizimet e vaksinave të mARN-së mund të dështojnë.
