Ibrahim Lici
Personi i shpallur në kërkim për vrasjen e 32-vjeçarit Endri Mustafa, është Ibrahim Licin, një emër i njohur për policinë.
Lici dyshohet si i përfshirë edhe në ngjarje të tjera kriminale. Mes të cilave vrasja e vëllezërve Ibrahim dhe Astrit Bilali. Në atë kohë u vunë në pranga dy bashkëpunëtorët e tij Arsen Stojku 29 -vjeç dhe Mislim Rama 23 -vjeç nga Vau i Dejës, ndërsa vetë Liçi u shpall në kërkim.
Më parë Ibrahim Lici është arrestuar gjithashtu nga policia si “truri” i një bande gjobëvënësish ndaj tregtarëve, ku në pranga përfunduan nëntë persona, si pjesë e këtij grupi kriminal.
Ibrahim Lici është djali i Mustafa Licit, anëtar i këshillit bashkiak të Shkodrës. Këtij të fundit i ekzekutuan në një atentat në gusht të vitit 2018 të vëllanë, Fatbardh Licin, ngjarje kjo e ndodhur në qendër të Shkodrës.
Në janar të atij viti, iu bë një atentat me tritol edhe Lul Kullës, kunatit të Fatbardh Licit, i cili mbijetoi.
Kështu i dyshuari kryesor për vrasjen e Mustafës, është një emër i lidhur me botën e krimit.
Endri Mustafa u gjet një ditë më parë i vrarë me 5-6 plumba në zonën e Livades, ndërsa ishte raportuar i zhdukur nga shtëpia prej tri ditësh.
Lici dyshohet se është ndihmuar edhe nga një i mitur, 15-vjeçari Ergys Malja, i cili është arrestuar.
Po ashtu në pranga ka rënë edhe Edison Arazi, si person që ka dijeni për ngjarjen.
Endri Mustafa
