Ish-kryeministri Sali Berisha mendon se procesi për të shpallur “non grata” atë nga SHBA-të ka pasur pikënisje zyrën e Edi Ramës.
Berisha tha në emisionin “Opinion” se dosjet në SHBA i ka dërguar Edi Rama.
Pjesë nga intervista:
Fevziu: Kryeministri Rama, ose kreu i PS po e marr tani nuk pati asnjë reagim për këtë çështje.
Berisha: Po pse të reagojë ai, ka çuar dosjet dhe kaq.
Fevziu: Nëse ka çuar dosjet do të thotë ka diçka
Berisha: Absolutisht mashtrim, le ta nxjerrin.
Fevziu: Ju po thoni që është Rama që e ka inicuar?
Berisha: Pa diskutim
Fevziu: Nga Shqipëria?
Berisha: Po të mos nisej nga Shqipëria ajo… nuk janë zhvillime në Uashington.
Fevziu: Dhe DASH mund të mashtrojë nga dosjet e Ramës, duket akoma më e rëndë.
Berisha: Që i merr dosjet e qeverisë, i merr ajo,
Fevziu: Patjetër, por i shqyrton, nuk e merr vendimin mbi çdo lloj dosje.
Berisha: Po një gjë që nuk qëndron, nuk qëndron mor zotëri. Ja ta shohim në gjykatë!
