Marina ruse, ka punuar për të maskuar anijet e saj luftarake nga sytë kureshtarë me një sërë risish të teknologjisë së lartë, përfshirë antenat e fshehura dhe bojën e veçantë.
Sipas Vladimir Pospelov, një anëtar i Komisionit Ushtarak-Industrial të vendit, i cili gjithashtu shërben në Bordin Detar shtetëror, ndërtuesit e anijeve ushtarake ruse po përdorin një sërë mjetesh për t’u përpjekur të mbrojnë anijet e tyre nga zbulimi, gjë që është e një rëndësie të veçantë nëse ata bien në zjarr nga armët e synuara dhe silurët e drejtuar.
“Një anije nuk është një gjilpërë. Aftësitë e zbulimit satelitor dhe ajror bëjnë të mundur zbulimin e çdo anijeje. “Sapo të ndizet ndonjë pajisje që lëshon sinjal, ajo do të zbulohet me anë të zbulimit elektronik.” – Pospelov.
Sidoqoftë, ai përcaktoi një numër mënyrash me cilat anijet e reja po përfitojnë nga zhvillimet teknologjike për të zvogëluar gjurmët e tyre fizike dhe elektronike. Duke diskutuar për një brez të ri të anijeve të fshehta, ai tha se ‘llojet e kaluara të shkatërruesve dhe kryqëzorëve me raketa i ngjanin një ‘iriqi’, të mbushur me dhjetëra antena.
Pospelov tha gjithashtu se, deri në vitin 2030, Rusia duhet të kishte përfunduar punën në grupe të reja të nëndetëseve bërthamore të gjeneratës së katërt si dhe komisionimin e dy korvetave të modernizuara. Muajin e kaluar, Moska urdhëroi marinarët e saj të fillonin stërvitje në shkallë të gjerë në Detin e Zi, ndërsa anijet luftarake britanike u nisën për në rajonin e paqëndrueshëm si pjesë e përshkallëzimit të tensioneve midis Rusisë dhe Perëndimit.
Përgatiti për Hashtag.al, K.Manjani
