Sekretari amerikan i Shtetit Antony Blinken do të takohet me izraelitë dhe palestinezë javën e ardhshme ndërsa IDF dhe Hamasi vijojnë armëpushimin që i dha fund sulmeve me raketa 11 ditore ndaj qyteteve izraelite dhe bombardimeve të Gazës.
Reuters raportoi sot se Antony Blinken do të vizitojë Izraelin dhe Bregun Perëndimor të mërkurën dhe të Enjten. Udhëtimi i sekretarit të shtetit thuhet se do të përfshijë gjithashtu disa ndalesa në Egjipt – vendi që ndërmjetësoi armëpushimin midis Tel Aviv-it dhe grupit militant palestinez me bazë në Gaza, Hamasit – dhe në Jordani.
Zëdhënësi i Departamentit të Shtetit Ned Price gjithashtu bëri një postim të enjten se Blinken do të udhëtojë në Lindjen e Mesme në ditët në vijim, ku do të takohet me zyrtarë izraelitë dhe palestinezë, si dhe me udhëheqësit rajonalë. Blinken tashmë ka folur në telefon me homologun e tij izraelit, Gabi Ashkenazi dhe Presidentin Palestinez Mahmoud Abbas.
The Secretary looks forward to meeting with Israeli, Palestinian, and regional leaders while visiting the region in the coming days.
— Ned Price (@StateDeptSpox) May 21, 2021
Armëpushimi midis Hamasit dhe Izraelit hyri në fuqi në orët e para të së Premtes, pas 11 ditësh sulmesh ndërkufitare që lanë 248 të vdekur në Gaza, dhe 13 në Izrael. Forcat e Mbrojtjes së Izraelit (IDF) filluan bombardimet e shënjestrave të shumta në Gaza pasi Hamasi lëshoi breshëri raketash në qytetet izraelite. Shpërthimi u parapri nga tensione të zhurmshme midis komuniteteve hebraike dhe arabe në Jeruzalem.
