Avokati i PD-së në KAS i ka quajtur noterë të maskarës zgjedhore anëtarët e këtij institucioni pas vendimit për të mos marrë parasysh kërkesën e PD-së për Qarqet Durrës e Shkodër për prova shtesë.
Avokati Marash Logu shkruan në Facebook se 97 herë në 5 seanca publike KAS i është bindur urdhrave politikë të Ramës, Agaçit, Gjiknurit e Ballës.
Ai thekson se vendimet e KAS janë politike e të pabazuara në ligj.
“Noterët e masakrës zgjedhore në KAS refuzuan sërish të bëjnë transparencë për vjedhjen e mandateve në Durrës dhe Shkodër nga Rama-Doshi. 97 herë në 5 seanca publike, shumica në KAS i është bindur urdhrave politikë të Edi Ramës, Engjëll Agaçit, Damian Gjiknurit dhe Taulant Ballës, me të cilët komunikojnë përpara çdo vendimi për të fshehur krimin elektoral. Vendimet e tyre janë politike, të pabazuara në ligj. Sot kishin 2 justifikime qesharake për të refuzusr marrjen e provave të kërkuara nga PD në institucione.” – shkruan Logu.
Ai shton më tej se pretendimet e KAS lidhur me veprimet e PD-së janë të gënjeshtërta ndërsa pohoi se në Durrës e Shkodër vota është blerë me 100-300 euro.
- PD nuk ka kryer përpjekje për t’i marrë vetë këto prova”. Gënjeshtër! PD ka depozituar 100 kërkesa për informacion tek institucionet publike, por akoma nuk ka asnjë përgjigje prej tyre.
- Informacionet që kërkon PD nuk përbëjnë provë për rrëzimin e zgjedhjeve”. Gënjeshrër! Neni 137 i Kodit Zgjedhor përcakton qartë se informacionet zyrtare nga organet publike përbëjnë prova. Noterët e masakrës zgjedhore duan të mbulojnë faktin se në Durrës apo Shkodër, vota u ble nga 100-300 euro për t’i siguruar pushtetin aleancës Rama-Doshi. Ata mund të ndalojnë sot të vërtetën, por s’mund ta mbulojnë përgjithmonë.” – mbyll reagimin Logu.
