Në Kanada është zbuluar një varr masiv që përmbante eshtrat e 215 fëmijëve, në territorin e një shkolle të ngritur për të asimiluar njerëzit autoktonë.
Siç shkruan BBC, fëmijët ishin studentë në Shkollën Rezidenciale Kamloops Indian në Kolumbinë Britanike që u mbyll në vitin 1978.
Zbulimi u bë i ditur të enjten.
Kryeministri Justin Trudeau tha se kjo ishte një “kujtesë e dhimbshme” e një “kapitulli të turpshëm të historisë së vendit tonë”.
Aktualisht ekspertët po punojnë për të përcaktuar shkaqet dhe kohën e vdekjeve, të cilat nuk dihen aktualisht.
Rosanne Casimir, shefe e komunitetit në qytetin Kamloops të Kolumbisë Britanike, tha se gjetja paraprake përfaqësonte një humbje të pamendueshme që nuk u dokumentua kurrë nga administratorët e shkollës.
Shkollat rezidenciale të Kanadasë ishin shkolla me konvikt të detyrueshëm të drejtuara nga qeveria dhe autoritetet fetare gjatë Shekujve 19 dhe 20 me qëllim për të asimiluar me forcë rininë autoktone.
Kamloops Indian Residential School ishte më e madhja. Hapur nën administrimin katolik romak në vitin 1890, shkolla kishte rreth 500 studentë kur regjistrimi arriti kulmin në vitet 1950.
Qeveria qendrore mori administrimin e shkollës në vitin 1969, duke e operuar atë si një rezidencë për studentët vendas deri në vitin 1978, kur ajo u mbyll.
