Nëse hidhni një vështrim në jetën e karkalecave të ujërave të ëmbla pranë një fshati anglez, do të gjeni mjaft ilaçe të pazakonta për kafshët nënujore.
Një studim i ri ka gjetur nivele të larta të kokainës, Ketaminës, Valiumit, Xanax, Tramadolit dhe produkteve të tjera farmaceutike në trupat e karkalecave të ujërave të ëmbla dhe habitatin e tyre në Suffolk të Britanisë së Madhe. Studiuesit gjetën gjithashtu gjurmë të pesticideve të shumta që tani janë të ndaluara nga BE-ja.
Duke raportuar në revistën ‘Environment International’, shkencëtarët nga ‘King’s College’ në Londër analizuan nivelet e mikropotantëve në mostrat e ujit sipërfaqësor dhe karkalecat e ujërave të ëmbla Gammarus pulex nga 15 vende të ndryshme në të gjithë qarkun e Suffolk në lindje të Anglisë.
Për habinë e tyre, ata zbuluan nivele gjurmë të paktën 67 përbërësish të ndryshëm ndotës. Ndotësi më i zbuluar shpesh ishte kokaina, e cila u zbulua në çdo karkalec nga të 15 vendet.
“Një dukuri e tillë e barnave të paligjshme në jetën e egër ishte befasuese.” – tha Dr Leon Barron, një shkencëtar i në King’s College, në një deklaratë.
“Ne mund të presim t’i shohim këto në zona urbane siç është Londra, por jo në ujëmbledhësit më të vegjël e rural. Prania e pesticideve të cilat janë ndaluar prej kohësh në Britani gjithashtu paraqet një sfidë të veçantë pasi burimet e këtyre mbeten të paqarta.” – tha ai.
