Zëdhënësja e Partisë Demokratike Ina Zhupa, ka publikuar disa foto që sipas saj janë shkrepur në ambientet e Pediatrisë në Tiranë.
Në këtë foto shihet suvaja e rënë dhe zonja Zhupa flet për kushte skandaloze që rrezikojnë edhe jetën e fëmijëve.
Madje sipas saj, sot është plagosur një fëmijë atje për shkak të rënies së tavanit.
“1 qershori në Pediatrinë Tiranë!
Kushtet e spitaleve skandaloze të shëndetësisë rrezikuan edhe jetën e fëmijëve.
Tani në spitalin e pediatrisë sapo u plagos një fëmijë nga rënia e tavanit.
Duhet hetim dhe vënia para drejtësisë të atyre që rrezikojnë jetën e fëmijëve pikërisht në vend ku duhet të shpëtojnë jetën dhe shëndetin.”- shkruan zëdhënësja e PD-së krahas fotove.
