Kolegji Zgjedhor ka shqyrtuar ditën e sotme padinë e Partisë Demokratike dhe Lëvizjes Socialiste për Integrim për qarkun e Vlorës.
Kolegji rrëzoi kërkesën për shpalljen e zgjedhjeve të pavlefshme e madje nuk pranoi as marrjen e provave shtesë duke i konsideruar se nuk janë konkrete për nevojë të gjykimit.
Të njëjtin vendim Kolegji e mori edhe ditën e djeshme për qarkun e Gjirokastrës.
Pas Gjirokastrës, në Kolegjin Zgjedhor mbeten për t’u shqyrtuar edhe 8 qarqe të tjera që u rrëzuan nga KAS, që nuk shpalli zgjedhje të pavlefshme në asnjë qark të vendit.
Deri më tani për dy qarqe Kolegji Zgjedhor nuk ka pranuar kërkesat e opozitës.
