Ka përfunduar në gjyq ish-kryetarja e Bashkisë së Gjirokastrës, Zamira Rami, e cila akuzohet për “shpërdorim detyre”.
GJKKO ka pranuar kërkesën duke e dërguar dosjen e saj për gjykim dhe duke e marrë atë zyrtarisht të pandehur.
SPAK e akuzon Ramin se, në kundërshtim me ligjin, ka kryer veprime që kanë sjellë prishjen e dy pronave private, duke shkaktuar një dëm prej 50 milionë lekësh të reja.
Ajo e bëri këtë gjatë realizimit të dy projekteve, një prej të cilave në kuadër të Rilindjes Urbane.
Sipas SPAK, “shkeljet janë kryer gjatë zbatimit të projektit për ‘Rikonstruksionin e rrugës Kryqëzim me rrugën nacionale (Postbllok) – Sheshi i Çerçizit’ si dhe për ‘Rikualifikimin e hapësirave publike dhe rrugës hyrëse pranë Memorialit të Rilindësve në Gjirokastër.”
Ish-kryebashkiakja Rami do t’i nënshtrohet gjykimit të shkurtuar.
