Një projektligj i prezantuar nga përfaqësuesja Nicole Malliotakis do të parandalonte që ambasadat e SHBA-së në botë të varin ‘flamuj politikë’ në mbështetje të kauzave të tilla si Black Lives Matter apo LGBTQ.
“Flamuri amerikan është një fener i lirisë dhe shpresës për popujt e shtypur në të gjithë botën. Duhet të jetë flamuri kryesor i ngritur mbi ambasadat tona dhe kjo është ajo që legjislacioni im kërkon të përmbushë.” – tha Malliotakis në lidhje me projektligjin.
Masa vjen si përgjigje e reagimit nga konservatorët në SHBA mbi pamjet e flamujve LGBTQ dhe BLM që varen pranë flamurit të SHBA-së në institucionet qeveritare.
Administrata e presidentit amerikan Biden kohët e fundit autorizoi flamurin LGBTQ të varej në të njëjtat shtylla si flamuri i SHBA-së për nder të Muajit të Krenarisë në muajin qershor. Flamujt e BLM filluan të valëviten këtë muaj për nder të përvjetorit të vdekjes së George Floyd.
Imazhet e flamurit BLM kanë qenë shkaku kryesor për shqetësimin e ekspertëve të shumtë të djathtë.
