Ministri i Rindërtimit, Arben Ahmetaj në një intervistë për emisionin “Frontline” foli edhe për siuatën e vaksinave dhe blerjen e tyre.
Ahmetaj tregoi shifrat që ka shpenzuar Shqipëria për sigurimin e vaksinave anti-COVID, ndërsa shtoi se plani i qeverisë është të miratojë një fond prej 50 milionë eurosh në vit nga buxheti i shtetit, për situatën pandemike.
“6 milionë Pfizer, 26 janë vaksinat e tjera duke përfshirë dhe COVAX-in jemi diku te 40 milionë euro. Për kaq po planifikojmë për vitet e tjera, deri në 50 milionë lekë nga buxheti. Ne kemi programuar edhe cdo të ndodhë pas tre vitesh, sepse bishtat e COVID-it do të jenë ende”-deklaroi Ahmetaj.
