Një aksident ka ndodhur mesditën e sotme në nënkalimin e ri tek ish-Sheshi Shqiponja në Tiranë, apo siç njihet ndryshe tek Dogana.
Sikurse shihet në pamjet e mbërritura pak më parë në redaksinë e Hashtag.al, një automjet tip “Opel” është përmbysur në nënkalimin e ri në rrethana ende të paqarta.
Ende nuk ka të dhëna se sa persona gjendeshin në mjet në momentin e aksidentit, apo se si është gjendja e tyre shëndetësore, ndërsa priten informacione të tjera në vijim.
