Kreu aktual i PD-së, Lulzim Basha ka votuar për zgjedhjet e brendshme në këtë parti.
Gjatë fjalës së tij të shkurtër për mediat pas votimit në selinë e zonës ku banon, Basha ka falënderuar pjesëmarrësit në këtë proces.
Basha theksoi se PD-ja karakterizohet nga vlerat e konkurrencës shprehjes së lirë dhe debatit që sipas tij do çohet deri në fund përmbysja e regjimit Rama-Doshi.
“Së pari dua të falënderoj mediat për mbulimin që po i bëjnë këtij procesi unik, dua të falënderoj demokratët anembanë Shqipërisë, kujdestarët e procesit, komisionerë, vëzhgues, në këtë proces unik, të vlerave tona, të vlerave të demokratëve, të zgjedhjet një anëtarë një votë të kryetarit të PD. Këto janë vlerat tona, vlerat e demokracisë, të shprehjes së lirë, konkurrencës, shprehjes së lirë dhe debatit. Me këto vlera e kemi nisur betejën për ndryshimin për Shqipërinë dhe shqiptarët, me këto vlera do ta çojmë deri në fund deri në përmbysjen e regjimit Rama-Doshi”-tha Basha.
