Shtëpia e Bardhë ka konfirmuar se Presidenti Joe Biden iu referua gabimisht Libisë, jo një por tre herë gjatë një konference shtypi kur ai donte t’i referohej Sirisë.
Biden u ngatërrua me fjalët e tij gjatë konferencës për shtyp ndërsa u përpoq të tregonte me hollësi interesin e tij për të diskutuar për Sirinë me presidentin rus Vladimir Putin.
“Po ndodhin shumë gjëra ku mund të punojmë së bashku me Rusinë. Për shembull, në Libi, ne duhet të hapim lejet për të qenë në gjendje të kalojmë dhe të sigurojmë, të sigurojmë ndihmë ushqimore dhe ekonomike – Dua të them, ndihmë jetike për një popullsi që është në telashe të vërtetë.
Për shembull, rindërtimi i Sirisë, i Libisë… E dini, kjo është – ata janë atje. Dhe për sa kohë që ata janë atje pa aftësinë për të sjellë një rregull në rajon, dhe ju nuk mund ta bëni këtë shumë mirë pa siguruar nevojat themelore ekonomike të njerëzve.
Kështu që unë shpresoj se mund të gjejmë një strehim ku mund të shpëtojmë jetën e njerëzve, për shembull, në… në Libi…”- shprehej Biden, citon Breitbart.
WATCH: Joe Biden confuses Syria with Libya THREE TIMES. pic.twitter.com/8iewTindfr
— RNC Research (@RNCResearch) June 13, 2021
Por më pas, Këshilltari i sigurimit kombëtar të Bidenit, Jake Sullivan, u tha gazetarëve se presidenti donte të thoshte Siria, kur përmendi Libinë.
“E kishte fjalën për Sirinë”- tha ai shkurt pas konferencës së Presidentit.
