Duke folur pas daljes në pension javën e kaluar, ish-shefi i shërbimit izraelit të spiunazhit Mossad, Yossi Cohen, përdori një intervistë për të nënkuptuar se Izraeli qëndronte pas shpërthimit në një impiant bërthamor iranian dhe vrasjes së njërit prej shkencëtarëve të tij bërthamorë dhe lëshoi një paralajmërim për Teheranin.
Korrikun e kaluar, struktura bërthamore e Iranit në Natanz ishte në shënjestër e një shpërthimi që dëmtoi furnizimin me energji elektrike të centrifugës, me Teheranin që akuzoi shpejt Izraelin se ishte pas sulmit. Një shpërthim i ngjashëm u raportua të ketë shkatërruar plotësisht sistemin e energjisë brenda një tjetër impianti bërthamor iranian në fillim të këtij viti.
Në nëntor 2020, programi bërthamor i Iranit pësoi një goditje tjetër, kur një nga shkencëtarët e tij kryesorë bërthamorë, Mohsen Fakhrizadeh, u vra në një sulm nga një mitraloz i telekomanduar. Përsëri, Mossad u akuzua si përgjegjës për sulmin në atë kohë, me ministrin e Jashtëm iranian, Javad Zarif, që deklaronte se kishte ‘të dhëna serioze’ se sulmi ishte kryer nga Izraeli.
Duke diskutuar dy incidentet, Cohen, i cili shërbeu si drejtor i Mossad nga 2016 deri javën e kaluar, sugjeroi që agjencia e tij kishte qenë pas sulmeve, megjithëse ai nuk dha një përgjigje të qartë për asnjërin rast.
Ne i themi shumë qartë Iranit: Ne nuk do t’ju lejojmë të merrni armë bërthamore. Çfarë nuk kuptoni?”
Duke iu drejtuar vrasjes së Fakhrizadeh, Cohen rrëfeu se shkencëtari iranian kishte qenë një shënjestër e mbledhjes së inteligjencës nga Mossad ‘për shumë vite’, pasi Izraeli ishte ‘më i shqetësuar’ nga puna e tij në programin bërthamor të Teheranit.
Përgatiti për Hashtag.al, Klodian Manjani
