Vendosni fjalën kyçe....

Të shtënat masive me shumë viktima në SHBA janë kryer nga persona me probleme të shëndetit mendor që s’janë kuruar – Studimi


Një shumicë e madhe e personave që kanë kryer masakra me armë në SHBA kanë pasur çrregullime psikiatrike të pakuruara, kryesisht skizofreni. Kurimi i pacientëve të tillë në kohë mund të ulë rrezikun e dhunës, sugjeron një studim i ri.

Analiza kryesore psikiatrike nga studiuesit nga Shkolla e Mjekësisë e Universitetit të Stanfordit studioi të shtënat masive në SHBA që përfshijnë dhjetëvjeçarë të tërë. Pasi kishin identifikuar 115 persona prapa krimeve të tilla të kryera midis 1982 dhe 2019, bazuar në ‘listën më të plotë në dispozicion’, bazën e të dhënave Mother Jones, ata u përqendruan kryesisht në studimin e sulmuesve të mbijetuar.

“Ne zbuluam se shumica e qitësve masivë në studimin tonë përjetuan sëmundje psikiatrike të padiagnostikuar dhe të pa mjekuar.”- zbuluan specialistët, duke i përshkruar gjetjet e tyre si ‘tronditëse’. Simptomat e sëmundjes serioze të trurit që mund të diagnostikohen si çrregullime psikiatrike klinike u identifikuan në 32 nga 35 autorët.

Shumica e qitësve, 18 prej tyre, kishin skizofreni, ndërsa 10 të tjerë u diagnostikuan me çrregullime bipolare, lajthitje dhe çrregullime të personalitetit. Ata me skizofreni kishin simptoma tipike psikotike si mesazhet e demonëve, lajthitje paranojake dhe haluçinacione komanduese për të ‘vrarë, djegur ose shkatërruar’.

“Askush nuk ishte mjekuar ose marrë kurim tjetër para krimit.” – zbulon studimi, që u botua në ‘Journal of Clinical Psychopharmacology’.

“Shumica e rasteve të vrasjeve masive në familje ndoshta mund të ishin parandaluar nëse sulmuesi, do ishte ndihmuar në mënyrë më të vazhdueshme për të marrë një diagnozë të saktë, pasuar nga marrja e e ilaçeve psikiatrike.” – thuhet në studim.

Incidentet e të shtënave masive, të përcaktuara zakonisht si një krim me katër ose më shumë viktima dhe duke përjashtuar dhunën e bandave ose grabitjen e armatosur, kanë qenë në rritje në SHBA vitet e fundit. Sipas Arkivit të Dhunës me Armë, mbi 600 të shtëna të tilla ndodhën vitin e kaluar, krahasuar me mbi 400 në vitin 2019.

ëtë vit, mbi 230 të shtëna masive janë regjistruar deri më tani. Në të njëjtën kohë, blerja e armëve është rritur në vend, pavarësisht se qeveria e saj e re synon të vendosë më shumë kufizime mbi armët e zjarrit.

Sipas një sondazhi të kohëve të fundit, 35% e të rriturve amerikanë që jetojnë në familje me armë kanë blerë më shumë armë zjarri gjatë vitit të kaluar. Në vitin 2020, 32% e të rriturve në SHBA kishin personalisht një armë.


Leave a Reply

Your email address will not be published. Required fields are marked *