Zv.kryeministri Erion Braçe ka marrë në mbrojtje kryebashkiakun socialist të Mallakastrës, Qerim Ismailaj, i cili rezultoi se ka qenë i dënuar në Greqi dhe kjo gjë u konfirmua edhe nga Prokuroria.
Ligji për Demkriminalizimin e heq atë automatikisht nga detyra, pasi ai ka gënjyer duke mos e deklaruar dënimin në vitin 1999 në shtetin fqinj.
Edhe pse Ismailaj e fshehu dënimin në formularin e dekriminalizimit, Braçe i del në krah dhe justifikon veprën e tij penale.
Braçe thotë se Ismailaj asokohe punonte në ndërtim, mirëpo pronari i tij grek nuk e kishte paguar për punën e kryer. Për këtë arsye shqiptari ka këmbëngulur vazhdimisht për të marrë atë që i takonte, saqë ka shkuar deri në pikën që ka ushtruar dhunë ndaj biznesmenit grek, veprim për të cilin u dënua në mungesë.
Zv.kryeministri u kërkon shqiptarëve ta vënë veten në pozitën e Ismailaj, se si do ishin ndjerë ata në vend të tij, nëse nuk do ishin paguar për punën.
Qerim Ismailaj
KOMENTI I BRAÇES
Pra;
KRYETARI I BASHKISË MALLAKASTËR NUK ËSHTË DËNUAR PËR:
TRAFIK DROGE;
TRAFIK QENIESH NJERËZORE;
TRAFIK ARMËSH;
TRAFIK PAS VJEDHJEVE TË MAKINAVE;
KONTRABANDË NAFTE;
NUK ËSHTË DËNUAR AS PËR KRIJIMIN E NDONJË ORGANIZATE KRIMINALE E AS PËR PËRFSHIRJE NË NJË TË TILLË;
NUK ËSHTË DËNUAR PËR PASTRIM PARASH!
Por është dënuar NË MUNGESË E PA DIJENINË E TIJ, sepse ka kërkuar rrogën tek një punëdhënës në Greqi!!!!!
E ka shkelur sepse e ka kërkuar edhe me forcë si punëtor krahu që ishte;
Por mendojeni,
në Greqi shqiptarët kanë punuar e punojnë prej vitesh në punë pa sigurime,
kanë ndërtuar në Greqi, ishuj pafund,
por nuk mbrohen nga asnjë sindikatë!
Tani vëreni veten në lëkurën e një punëtori në ndërtim në Greqi që rropatet dhe i mohojnë rrogën, merrni frymë dy herë e kujtoni edhe familjarë tuaj që e kanë bërë e vuajtur këtë hall atje poshtë, në ishuj!
E kuptoni çfarë turpi është?!
E kuptoni çfarë idiotësh ka në opozitë ky vend?
E dini që;
KANË MES TYRE NJË HAJDUT MAKINASH, PRA NJË HAJDUT TË DËNUAR ME VENDIM GJYKATE TË FORMËS SË PRERË DHE BËNË SI QENTË NË KQZ E NUK E SHKARKUAN SEPSE AI KISHTE THËNË NË FORMULAR SE “JAM DËNUAR PËR VJEDHJE SI HAJDUT”!
Madje madje e kishin thelbin e skemës së blerjes së votës masivisht në këto zgjedhje!
Pra kjo farë partie që humb e humb, sulmon, shan, fyen e shpif një punëtor shqiptar ndërtimi që kërkon rrogën e mohuar dhe, mbron, shpëton, kandidon e rikandidon një hajdut të dënuar për vjedhje!
Kaq e thjeshtë është!
