Shkencëtarët kanë gjetur dy lloje të reja të qelizave të trurit pasi ato aktivizuan një grup qelizash të fjetura në trurin e miut.
Zbulimi ofron njohuri të reja mbi aftësitë e riparimit dhe rigjenerimit të trurit, potencialisht të zbatueshme edhe për njerëzit.
Gjetjet e studimit, të udhëhequr nga studiues nga Universiteti i Bazelit në Zvicër, u botuan në revistën Science më parë këtë muaj.
Të dy qelizat – të përcaktuara si një qelizë astrocyte dhe një oligodendrocite – janë zbuluar pasi ekipi hulumtues shikoi në një zonë të qelizave burimore të fjetur në një tru miu të rritur, e njohur si zona ventrikulare-subventrikulare. Këto zona ekzistojnë në të gjithë vertebrorët, përfshirë qeniet njerëzore.
Qelizat e sapo zbuluara janë lloje të qelizave ‘glial’, qeliza jo-neuronale që gjenden në sistemin nervor por që nuk prodhojnë impulset elektrike thelbësore për funksionimin e trurit. Në vend të kësaj, qelizat e tilla shërbejnë më shumë një rol mbështetës dhe mbrojtës në materien gri.
“Identifikimi i dy tipeve të panjohura të qelizave glial në trurin e të rriturve thekson më tej shkallën e larmisë së glialit dhe hap pamje për të kuptuar rolin e qelizave burimore nervore dhe gliave në shëndet dhe sëmundje”, tha ekipi hulumtues.
