Në një vendim që godet gjigantët e teknologjisë, Gjykata e Drejtësisë e BE-së (CJEU) ka vendosur që vëzhguesit kombëtar të të dhënave kanë autoritetin të marrin masa kundër kompanive dixhitale edhe nëse ato nuk janë rregullatori kryesor i caktuar.
Vendimi zgjeron të drejtat e kombeve të BE-së për të kërkuar llogari nga kompanitë e teknologjisë pavarësisht se nuk është vendi ku kanë selinë ato biznese.
“Në kushte të caktuara, një autoritet mbikëqyrës kombëtar mund të ushtrojë fuqinë e tij për të sjellë ndonjë shkelje të pretenduar përpara një gjykate të një vendi anëtar, edhe pse ai autoritet nuk është autoriteti kryesor mbikëqyrës në lidhje me atë përpunim.” – tha CJEU në nje deklaratë.
Vendimi i gjykatës u ndez pasi Belgjika iu afrua CJEU për të sqaruar fuqitë e saj pasi vendi evropian dhe Facebook u përplasën nëse ajo kishte autoritetin të sfidonte rregullat e privatësisë dhe politikat e trajtimit të të dhënave të kompanisë teknologjike.
Kur Belgjika kërkoi udhëzime nga CJEU vitin e kaluar, avokati i Facebook, Dirk Van Liedekerke, iu përgjigj veprimeve të vendit duke argumentuar kundër dhënies së vëzhguesve kombëtarë fuqinë për të sfiduar në mënyrë të pavarur kompanitë e teknologjisë.
Shtetet anëtare të BE-së janë ankuar më parë se Irlanda, ku Apple, Facebook, Google dhe Twitter kanë seli, merr shumë kohë për të arritur në një vendim kur ankesat bëhen te rregullatori.
Pas vendimit të CJEU, kompanitë e teknologjisë mund ta shihnin veten duke u përballur me një numër të shtuar hetimesh, me vëzhguesit kombëtar të të dhënave duke ndërmarrë veprime të drejtpërdrejta kundër kompanive, në vend që të prisnin një gjykim nga rregullatori i Irlandës.
